أنت عمري.....

دى اول قصه ليه يارب تعجبكمـ وان شاء الله هتكون على حلقات يارب تتبعونى

الاشخاص
عائله ملك:

ملك:بنت اموره ورقيقه جدا واسم على مسمى اسمه ملك وهى فعلا ملاك خجوله ومحترمه ودمها خفيف موت عندها 18 سنه فى 3 ثانوى وعايشه فى الاسكندريه

مامتها(فاتن):ربه منزل وبتحب اولادها جدا وبتخاف عليهم وهى طيبه خالص
بابها (حسين):رجل اعمال ومهتم جدا بشغله وقليل لما بيقعد فى البيت ويتكلم مع ملك واخواتها ولكن هو بيعمل كده عشان يأمنلهم مستقبلهم
اختها(سما):بنت عسوله اوى بس هاديه جدا غير ملك خالص وهى اكبر منها عندها 22 سنه وفى كليه هندسه
اخوها (احمد):و ده صغيور خالص عنده 6 سنين ومتعلق بملك جدا
عائله هيثم:
هيثم:شاب عسول اوى ودمه خفيف وبيحب على طول يهزر ورومانسى جدا وعنده 20سنه وفى كليه تجاره انجلش
مامته(ناديه):ربه منزل وبتحب هيثم جدا وغلبانه اوى وملهاش فى المشاكل
باباه(محمد):رجل اعمال وبيحب هيثم جدا لانه ابنه الوحيد

عائله مريم :
مريم:بنت عسوله خالص وملامحها رقيقه جدا ودى انتيم ملك ومتربين مع بعض ومش بيخبوا حاجه على بعض
مامتها(فريده):ربه منزل وصحبه مامت ملك جدا من زمان

رامـــى ده صاحب هيثم الانتيم وبيحبه وبيخاف عليه ودايما بينصحه ومع هيثم فى الكليه

الحلقه الاولى


فى بيت ملك الصبح بدرى تدخل عليها مامتها
مامت ملك:ملك حبيبتى اصحى بسرعه مريم على التلفون وعاوزااكى ضرورى
ملك:يوووووووه ياماما قوليلها نايمه مش قادره اصحى
مامتها :يلا يابنت بلاش دلع مريم مستنياكى
ملك:برضه مش هقوم شوفيها عاوزه ايه ياماما وابقى قوليلها انى هكلمها لما اصحى
مامتها:ماشى ياملك براحتك خليكى نايمه
تخرج مامت ملك ترد على مريم تانى
مامت ملك:ايه يامريم ياحبيبتى معلش والله ملك نايمه ومش راضيه تصحى وبتقولك هتبقى تكلمك
مريم:لا ياطنط لازم تصحى ضرورى انا سمعت ان النتيجه ظهرت وعاوزين نشوفها على النت
مامت ملك:بجد طيب انا هقولها ربنا يستر
تدخل مامت ملك عندها تانى وتنادى عليها بصوت عالى
مامت ملك:ملك ملك اقومى بسرعه
ملك :تانى ياماما برضه
مامتها:مريم بتقول النتيجه ظهرت يلا بسرعه
تقوم ملك تجرى على التليفون
ملك:الو يامريم.......ايه......بجد.....طيب..........انا هلبس واجيلك حالا
وتلبس ملك الطقم ده وتكون زى القمر

وتروح لمريم
نسيب ملك شويه ونروح لهيثم
هيثم بيتمشى فى جنينه الفيله وحاطط الهاند فرى فى ودنه وبيسمع اغانى ومش حاسس بالدنيا
يجيله رامى صاحبه البيت
رامى:ازيك ياطنط ممكن اشوف هيثم
مامت هيثم:ازيك انت يارامى اخبارك ايه اتفضل ياحبيبى هتلاقى هيثم فى الجنينه وشوفه ماله عشان بقاله فتره حزين ومضايق ومش بيتكلم مع حد خالص انت عارف مش هيحكى لحد غيرك
رامى:هو لسه مضايق برضه خلاص ياطنط انا هدخل اشوفه عن اذن حضرتك
يدخل رامى عند هيثم فى الجنينه وهيثم ولا حاسس بيه
رامى:هيثم ايه يابنى عامل ايه
هيثم:...................
رامى:هيثم هيثم
هيثم:ايه يارامى فى ايه خضتنى
رامى:انا هنا من بدرى وانت ولا حاسس ايه يا هيثم لسه مضايق برضه ماخلاص يابنى انت هيثم برضه الى على طول بيضحك ويهزر
هيثم:انت شايف انه خلاص كل الى حصلى ده وبتقولى خلاص صحيح مانت مش مكانى
رامى:والله ياهيثم مش قصدى انا اقصد اخرجك من اللى انت فيه ده ومفيش حاجه تستاهل